ვებ გვერდის დამზადება

თუ თქვენ გაქვთ ბიზნესი, ესე იგი წარმატებისთვის თქვენ გჭირდებათ წარმომადგენლობა ციფრულ სივრცეში, ანუ საიტი, სადაც წარმოდგენილი იქნება თქვენი საქმიანობა. რა არის ამისთვის საჭირო? პირველ რიგში თავად ვებ გვერდის დამზადება. თქვენი ვებ საიტი უნდა გახდეს თქვენი საქმიანობის ფასადი. სწორედ საიტით მოგაგონებთ თქვენი კლიენტი და მიიღებს საჭირო ინფორმაციას თქვენი საქმიანობის შესახებ. კარგად გამართულ საიტზე თქვენი მომხმარებელი მიიღებს ამომწურავ ინფორმაციას თქვენი პროდუქტისა თუ მომსახურების შესახებ, რომელიც მას აინტერესებს. ხოლო თუ საიტი არაა პროფესიონალურად დამზადებული, მაშინ პოტენციურ კლიენტს დარჩება შთაბეჭდილება, რომ თქვენი ბიზნესი არაა სანდო და ხარისხიანი. ამიტომ გამართული და თქვენს ბიზნესზე მორგებული ვებ გვერდი ძალიან მნიშვნელოვანია თქვენი ბიზნესის განვითარებისთვის.

თანამედროვე ვებ გვერდს სჭირდება კონტენტის მართვის სისტემა, ანუ CMS. თუ თქვენ არ გჭირდებათ განსაკუთრებით სპეციფიკური საიტი, მაშინ აჯობებს აირჩიოთ ბაზარზე არსებული მზა CMS. ეს საგრძნობლად დაგიზოგავთ თანხებს. ჩვენ გთავაზობთ ვებ გვერდის დამზადებას პოპულარულ და გამოცდილ CMS პლატფორმებზე. ეს პლატფორმები საშუალებას გვაძლევს პლაგინებისა და თემების დიდი არჩევანის საშუალებით ფაქტიურად ნებისმიერი ტიპის საიტი შევქმნათ.

როდესაც ახლად დაყენებულ ვებ საიტზე პირველად შევდივართ, გვხვდება სტანდარტული დიზაინი, რომელიც არც თუ ისე მომხიბვლელია და გამოირჩევა საკმაოდ მწირი ფუნქციონალით.

თუმცა, ჩვენ არ ვართ შეზღუდულები თემის არჩევანში.

შეგვიძლია ორი გზა ავირჩიოთ – რთული ან მოსახერხებელი.

რთული გზა არის დიზაინერისა და პროგრამისტის დაქირავება, რომ შექმნან მორგებული დიზაინი თქვენი საიტისთვის. ამის ღირებულება არაერთ ათას ლარს გაცდება და საკმაოდ დიდ დროსაც წაიღებს. შემდეგ ისევ დადგება განახლებების პრობლემა. ასე რომ, თუ თქვენი ბიუჯეტი არაა უსაზღვრო და ძალიან სპეციფიკური დიზაინი არ გჭირდებათ, ჯობია მზა თემებს გადავხედოთ.

უფასო მზა თემებს მხოლოდ საბაზისო ფუნქციონალი აქვთ და მათზე არ შევჩერდებით. ფასიანი თემების ფართო არჩევანია ინტერნეტ სივრცეში. თუმცა, არავითარ შემთხვევაში არ გირჩევთ თემის ბრმად ყიდვას, დეველოპერთან კონსულტაციის გარეშე. თემების ფასი საშუალოდ მერყეობს 30-დან 80 დოლარამდე, ამ ფასად კი თქვენ კარგ თემას ნამდვილად ვერ დაწერთ.

როდესაც უკვე ყველა ეტაპი გავლილია, თქვენი შერჩეული თემა დაყენებულია და გამართულია, კონტენტი თავის ადგილზე დალაგებული    და  ყველაფერი შემოწმებული, რჩება ბოლო, მაგრამ ძალიან მნიშვნელოვანი ეტაპი. ესაა ქეშირება და უსაფრთხოება. ამ ეტაპზე ჩვენ ვაყენებთ შესაბამის პლაგინებს, რომლებიც უზრუნველყოფენ თქვენი საიტის მაქსიმალურად სწრაფად ჩატვირთვას. ეს კი Google-სთვის ძალიან მნიშვნელოვანია. და ბოლოს, უშუალოდ ჩაბარების წინ ვატარებ ყველა საჭირო ღონისძიებას, რაღა საიტი დაცული იყოს სტანდარტული ჰაკერული შეტევების წინააღმდეგ. თუმცა დროთა განმავლობაში თუ არ ჩატარდა განახლების პროცედურები, საიტი შესაძლოა საფრთხის წინაშე აღმოჩნდეს.